18th October 2021

சிகரெட் பிடித்ததால் வந்த விபரீதம்..! பற்றி எரிந்த சானிடைசரால் தீக்காயங்களுடன் ஒருவர் மருத்துவமனையில் அனுமதி

கிருமிநாசினியை கொண்டு கைகளை சுத்தப்படுத்தியப்பின் சிகரெட் பற்ற வைத்த நபர் மீது தீப்பற்றி எரிந்ததால் ஆபத்தான நிலையில் மருத்துவமனையில் அனுமதிக்கப்பட்டுள்ளார்.

கொரோனா தொற்று மீண்டும் வேகமெடுத்த நிலையில் கைகளை சானிடைசர் கொண்டு அடிக்கடி சுத்தப்படுத்த வேண்டும் எனவும், முகக்கவசம் அணிய வேண்டும் எனவும், சமூக இடைவெளியை கடைப்பிடிக்க வேண்டும் எனவும் மருத்துவர்கள் சார்பிலும், அரசு தரப்பிலும் வலியுறுத்தப்பட்டு வருகிறது. கொரோனா தொற்றில் இருந்து தற்காத்து கொள்ள வீடு, அலுவலகங்கள் என அனைத்துப் பகுதிகளிலும் சானிடைசர் பயன்படுத்தப்பட்டு வருகிறது.

கொரோனா பரவலை தடுக்க சானிடைசரை பயன்படுத்தினாலும், அதனை பாதுகாப்புடன் கையாள வேண்டும் என்ற விழிப்புணர்வு மக்களிடையே இல்லாமல் உள்ளது. ஏனெனில் சானிடைசரை பயன்படுத்தி விட்டு அலட்சியம் காரணமாக சிகரெட் பற்ற வைத்த முதியவர், மீது தீப்பற்றிய சம்பவம் சென்னையில் அரங்கேறியுள்ளது.

சென்னை அசோக் நகரை சேர்ந்த 50 வயதான ரூபன் என்பவர் கோடம்பாக்கம் டாக்டர் சுப்ராயன் நகரில் உள்ள அடுக்குமாடி கட்டிடம் ஒன்றில் இயங்கி வரும் பதிப்பகத்தில் வேலை பார்த்து வருகிறார்.

அலுவலக வேலையாக வெளியே சென்றுவிட்டு மீண்டும் அலுவலகத்திற்கு வந்த ரூபன் கைகளை சானிடைசரை கொண்டு சுத்தம் செய்துள்ளார். சானிடைசரை தனது கைகளில் அழுத்தும் போது அதிலிருந்து சில துளிகள் அவரது சட்டையில் விழுந்துள்ளன. பின்னர், புகைப்பிடிக்கும் பழக்கும் கொண்ட ரூபன் அலுவகத்தில் உள்ள கழிவறைக்கு சென்று தன்னிடம் இருந்த லைட்டரை எடுத்து சிகரெட் பற்ற வைத்துள்ளார். கைகளை மறைத்துக் கொண்டு லைட்டர் மூலம் சிகரெட் பற்ற வைத்தபோது போது அவரது கைகளில் இருந்த சானிடைசர் பற்றி எரிந்தது. பதறிய ரூபன் கைகளில் இருந்த நெருப்பை அணைப்பதற்காக தனது சட்டையில் தேய்த்துள்ளார். முன்னதாக அவரது சட்டையிலும் சானிடைசரின் துளிகள் விழுந்திருந்ததால் சட்டையும் பற்றி எரிந்தது.

வலியால் ரூபன் அலறித்துடிக்க அலுவலகத்தில் இருந்தவர்கள் கதவை உடைத்துக் கொண்டு உள்ளே சென்று அவரை மீட்டனர். கைகள், கழுத்து, மார்பு மற்றும் வயிற்றுப்பகுதிகளில் தீக்காயமடைந்த ரூபனுக்கு கீழ்பாக்கம் அரசு மருத்துவமனையில் தீவிர சிகிச்சை அளிக்கப்பட்டு வருகிறது. இது தொடர்பாக அசோக் நகர் போலீசார் விசாரித்து வருகின்றனர்.

சானிடைசர் வைரஸ் தொற்றை தவிர்த்தாலும், அதற்கு எளிதில் தீப்பற்றக்கூடிய தன்மை உடையது என்ற விழிப்புணர்வு இல்லாமல் ரூபன் அலட்சியமாக செயல்பட்டதே அவரின் இந்த நிலைக்கு காரணமாக உள்ளது. வைரஸ் தொற்றை தவிர்க்க உதவும் சானிடைசரில் 60 சதவீதத்திற்கு மேலாக ஈத்தைல் ஆல்கஹால் (Ethyle alcohol) உள்ளதால் எளிதாக தீப்பற்றக்கூடிய தன்மை உள்ளது.

எனினும் சானிடைசர் பயன்படுத்திய சில விநாடிகளில் அது உலர்ந்து விடுவதால் எந்தவித அசம்பாவிதங்களும் ஏற்படுவதில்லை. மாறாக சானிடைசரை பயன்படுத்தி விட்டு தீப்பற்றக்கூடிய செயல்களில் ஈடுபட்டால் அசம்பாவிதம் ஏற்படுகிறது. இந்த நிலையில் சானிடைசர் மூலம் கைகளை சுத்தப்படுத்தி விட்டு சமையல் வேலைகளிலோ அல்லது தீப்பற்றக்கூடிய செயல்களிலோ ஈடுபட்டக்கூடாது என எச்சரிக்கும் மருத்துவர்கள், கைகளில் கிருமி நாசினியை பயன்படுத்தினால் சோப்பு போட்டு கைகளை நன்கு கழுவிய பிறகே சமையல் வேலைகளில் ஈடுபட வேண்டுமென அறிவுறுத்தியுள்ளனர்.

SOURCE: https://www.polimernews.com/dnews/143730?fbclid=IwAR089QTvb2SklHoQzMUl0ALhgLVXF0K7o3nRuSji7yVsuKg5Ta-X2rxwiEY

More News

மயிலாடுதுறை திருவாவடுதுறை ஆதீனத்தில் விஜயதசமியை முன்னிட்டு சிறப்பு பூஜைகளுடன் சிறப்பு நூல்கள் வெளியீடு!

admin See author's posts

மயிலாடுதுறை: விவசாய சங்கத்தினர்-போலீசார்இடையே தள்ளு முள்ளு!

admin See author's posts

நடிகர் விஜய் அரசியலுக்கு வந்தால் விடுதலை சிறுத்தைகள் அதை வரவேற்போம் – தொல்.திருமாவளவன்!

admin See author's posts

சீர்காழியில் ரூ. 3 லட்சம் மதிப்புள்ள புகையிலை பொருட்கள் பறிமுதல்!

admin See author's posts

குத்தாலம் அருகே சிறுமியை கற்பழித்து கொலை செய்த இளைஞர் கைது!

admin See author's posts

மயிலாடுதுறை: கொரனோ தடுப்பூசி செலுத்தும் பணியில் சிறப்பாக செயல்பட்ட மருத்துவர்கள் மற்றும் செவிலியர்களுக்கு பாராட்டு!

admin See author's posts

மயிலாடுதுறை அருகே ஊராட்சி மன்ற அலுவலகம் இடமாற்றம் கண்டித்து கிராம மக்கள் சாலை மறியல்!

admin See author's posts

மயிலாடுதுறை அருகே உள்ள பழவாற்றில் மூழ்கி இறந்த சிறுமி உடல் 3- வது நாள் மீட்பு!

admin See author's posts

மேக்கிரிமங்கலம் மற்றும் திருவாடுதுறை ஊராட்சிகளில் 11.50 லட்சம் மதிப்பில் புதிய மின்மாற்றியை பூம்புகார் எம்எல்ஏ தொடங்கி வைத்தார்!

admin See author's posts

தரங்கம்பாடி பொதுதொழிலாளர் சங்க பொறுப்பாளர் முன்னாள் கவுன்சிலர் மாணிக்க.அருண்குமார் முகநூல் நண்பர்கள் உதவியுடன் ஏழைதம்பதியினருக்கு குடில் அமைத்து கொடுத்தார்!

admin See author's posts

You cannot copy content of this page