17th October 2021

நடிகர் விவேக் வீட்டில் குவிந்த ரசிகர்கள், மக்கள்.. நீண்ட வரிசையில் நின்று அஞ்சலி !!

நடிகர் விவேக் மறைவு குறித்த செய்தி அறிந்ததும் அவர் வசிக்கும் பகுதியைச் சேர்ந்த பொதுமக்களும், தமிழகம் முழுவதும் உள்ள அவரது ரசிகர்களும் அதிர்ச்சிக்குள்ளானார்கள்.

மாரடைப்பு காரணமாக சென்னை வடபழனியில் உள்ள தனியார் மருத்துவமனையில் அனுமதிக்கப்பட்டிருந்த நடிகர் விவேக்கிற்கு உடல்நலம் மோசமானதை அடுத்து எக்மோ கருவி மூலம் சிகிச்சை அளிக்கப்பட்டது.

தொடர்ந்து மருத்துவ கண்காணிப்பில் இருந்து வந்த அவர் இன்று அதிகாலை 4.35 மணிக்கு காலமானார். இதனால் உலகம் முழுவதும் அவரது ரசிகர்கள் சோகத்தில் ஆழ்ந்துள்ளனர். பல்வேறு தரப்பினரும் அவருக்கு இரங்கல் தெரிவித்து வருகின்றனர்.

இதனிடையே, நடிகர் விவேக் சினிமாவில் உயர்ந்த இடத்தில் இருந்தாலும் அவர் வசிக்கும் பகுதியில் மக்களிடம் நன்கு நெருங்கி பழகக்கூடியவர். இயல்பாக பேசக்கூடியவர். இதனால் அந்த பகுதியைச் சேர்ந்த மக்கள் அனைவருமே விவேக் மீது மிகுந்த அன்பு வைத்திருந்தனர். தற்போது விவேக் உடல் விருகம்பாக்கத்தில் உள்ள அவரது வீட்டில் அஞ்சலி வைக்கப்பட்டதும் அந்த பகுதியைச் சேர்ந்த பொதுமக்கள் ஏராளமானோர் விவேக் உடலுக்கு அஞ்சலி செலுத்த அங்கு திரண்டனர்.

அந்த இடத்தில் பாதுகாப்பு பணியில் ஈடுபட்டிருந்த போலீசார் முக கவசம் அணிந்து சமூக இடைவெளியை கடைபிடித்து விவேக் உடலுக்கு அஞ்சலி செலுத்துமாறு கூறினார்கள்.
இதையடுத்து பொதுமக்கள் சமூக இடைவெளியை கடைபிடித்தபடியும், முக கவசம் அணிந்தபடியும் அவர் வசித்த தெருவில் நீண்ட வரிசையில் உள்ளனர்.ஒருவர் பின் ஒருவராக சென்று விவேக் உடலுக்கு அஞ்சலி செலுத்தினார்கள். அதே போல் விவேக்கின் ரசிகர்களும் இன்று காலையிலேயே அவரது உடலுக்கு அஞ்சலி செலுத்த திரண்டனர். அவர்களும் வரிசையில் காத்திருந்து விவேக் உடலுக்கு கண்ணீர் அஞ்சலி செலுத்திவருகின்றனர். இதில் ஏராளமானோர் மரக்கன்றுகளுடன் சென்றும் அஞ்சலி செலுத்தினர்.

Source: News TM

More News

மயிலாடுதுறை திருவாவடுதுறை ஆதீனத்தில் விஜயதசமியை முன்னிட்டு சிறப்பு பூஜைகளுடன் சிறப்பு நூல்கள் வெளியீடு!

admin See author's posts

மயிலாடுதுறை: விவசாய சங்கத்தினர்-போலீசார்இடையே தள்ளு முள்ளு!

admin See author's posts

நடிகர் விஜய் அரசியலுக்கு வந்தால் விடுதலை சிறுத்தைகள் அதை வரவேற்போம் – தொல்.திருமாவளவன்!

admin See author's posts

சீர்காழியில் ரூ. 3 லட்சம் மதிப்புள்ள புகையிலை பொருட்கள் பறிமுதல்!

admin See author's posts

குத்தாலம் அருகே சிறுமியை கற்பழித்து கொலை செய்த இளைஞர் கைது!

admin See author's posts

மயிலாடுதுறை: கொரனோ தடுப்பூசி செலுத்தும் பணியில் சிறப்பாக செயல்பட்ட மருத்துவர்கள் மற்றும் செவிலியர்களுக்கு பாராட்டு!

admin See author's posts

மயிலாடுதுறை அருகே ஊராட்சி மன்ற அலுவலகம் இடமாற்றம் கண்டித்து கிராம மக்கள் சாலை மறியல்!

admin See author's posts

மயிலாடுதுறை அருகே உள்ள பழவாற்றில் மூழ்கி இறந்த சிறுமி உடல் 3- வது நாள் மீட்பு!

admin See author's posts

மேக்கிரிமங்கலம் மற்றும் திருவாடுதுறை ஊராட்சிகளில் 11.50 லட்சம் மதிப்பில் புதிய மின்மாற்றியை பூம்புகார் எம்எல்ஏ தொடங்கி வைத்தார்!

admin See author's posts

தரங்கம்பாடி பொதுதொழிலாளர் சங்க பொறுப்பாளர் முன்னாள் கவுன்சிலர் மாணிக்க.அருண்குமார் முகநூல் நண்பர்கள் உதவியுடன் ஏழைதம்பதியினருக்கு குடில் அமைத்து கொடுத்தார்!

admin See author's posts

You cannot copy content of this page