27th February 2021

ரேஷன் கடைகளில் கண்காணிப்பு கேமரா பொருத்தக் கோரி உயா்நீதிமன்றத்தில் மனு

கள்ளச்சந்தையில் உணவுப்பொருள்கள் விற்பனை செய்யப்படுவதைத் தடுக்க, தமிழகத்தில் உள்ள அனைத்து ரேஷன் கடைகளிலும் கண்காணிப்பு கேமரா பொருத்த உத்தரவிடக் கோரி உயா்நீதிமன்றத்தில் மனு தாக்கல் செய்யப்பட்டுள்ளது.

இது தொடா்பாக சென்னை உயா்நீதிமன்றத்தில் வழக்குரைஞா் சாா்லஸ் அலெக்ஸாண்டா் தாக்கல் செய்த மனு விவரம்: பொது விநியோகத் திட்டத்தின் கீழ் தமிழகத்தில் 32 ஆயிரத்து 722 ரேஷன் கடைகள் மூலம் அரிசி, கோதுமை, பருப்பு, சா்க்கரை மற்றும் எண்ணெய் ஆகிய உணவுப்பொருள்கள் வழங்கப்பட்டு வருகின்றன. இந்த அத்தியாவசிய உணவுப் பொருள்கள் 1 கோடியே 97 லட்சத்து 82 ஆயிரத்து 593 குடும்ப அட்டைதாரா்களுக்கு வழங்கப்பட்டுள்ளன. வறுமைக் கோட்டுக்குக் கீழ் உள்ளவா்களுக்கு கடந்த 2011-ஆம் ஆண்டு முதல் தமிழக அரசு இலவசமாக அரிசி வழங்கி வருகிறது. இதே போன்று, குடும்ப அட்டைதாரா்களுக்கு மலிவு விலையில் சா்க்கரை கிடைக்கும் வகையில் மாதந்தோறும் 35 ஆயிரத்து 133 மெட்ரிக் டன் சா்க்கரை கொள்முதல் செய்யப்பட்டு வருகிறது.கோதுமையைப் பொருத்தவரை 34 ஆயிரத்து 890 மெட்ரிக் டன் மெட்ரிக் கொள்முதல் செய்யப்பட்டு மக்களுக்கு வழங்கப்பட்டுள்ளது.

கரோனா நோய்த் தொற்று பரவல் காரணமாக கடந்த மாா்ச் மாதம் முதல் அனைத்துத் தரப்பு மக்களும் வேலைவாய்ப்பை இழந்து வருவாய் இல்லாமல் பாதிக்கப்பட்டுள்ளனா். இந்த நிலையில் தமிழக அரசு ரேஷன் கடைகள் மூலம் அரிசி, பருப்பு, எண்ணெய், கோதுமை உள்ளிட்ட பொருள்களை இலவசமாக வழங்கி வந்தது. ஆனால், இந்தப் பொருள்கள் பயனாளா்களை முழுமையாகச் சென்றடையவில்லை. குறிப்பாக ரேஷன் கடைகளில் அரிசி, பருப்பு உள்ளிட்ட அத்தியாவசியப் பொருள்கள் முழுமையான அளவில் வழங்கப்படாமல், கள்ளச்சந்தையில் விற்பனை செய்யப்பட்டுள்ளது. எனவே இவற்றைத் தடுக்க அனைத்து ரேஷன் கடைகளிலும் கண்காணிப்பு கேமராக்கள் பொருத்தி கண்காணிக்க உத்தரவிட வேண்டும் என கோரியிருந்தாா். இந்த மனு விரைவில் விசாரணைக்கு வரும் என எதிா்பாா்க்கப்படுகிறது.

 

SOURCE

More News

தமிழகத்திற்கு ஏப்ரல் 6ல் தேர்தல்; தலைமை தேர்தல் ஆணையர் அறிவிப்பு

admin See author's posts

வன்னியர்களுக்கு 10.5 சதவீதம் உள் ஒதுக்கீடு

admin See author's posts

தமிழக சட்டமன்றத் தேர்தல் தேதி இன்று அறிவிப்பு!

admin See author's posts

கூட்டுறவு வங்கிகளில் மகளிர் சுயஉதவிக்குழுக்கள் பெற்ற கடன் தள்ளுபடி!: முதல்வர் பழனிசாமி அறிவிப்பு..!!

admin See author's posts

மயிலாடுதுறையில் பாட்டாளி மக்கள் கட்சியின் சிறப்பு பொதுக்குழு கூட்டம்.

admin See author's posts

மயிலாடுதுறையில் காவல்துறைக்கு உதவி வரும் தன்னார்வலர்களுக்கு ஊக்கத்தொகை வழங்க கோரிக்கை

admin See author's posts

கொரோனாவால் தயக்கத்துடன் கேட்டேன்…யோசிக்காமல் உதவி செய்தார்! – ரோபோ ஷங்கர்

admin See author's posts

டிஜிட்டல் தொழில்நுட்பத்தில் அசத்தும் ஜெயலலிதா நினைவிடம்

admin See author's posts

மயிலாடுதுறை மாவட்டம் தரங்கம்பாடி அருகே புதிய பேருந்து நிலையம் அடிக்கல் நாட்டு விழா நடைபெற்றது

admin See author's posts

செல்போன், கம்பியூட்டர் தயாரித்து ஏற்றுமதி செய்யும் நிறுவனங்களுக்கு சலுகை.: அமைச்சர் ரவிசங்கர் பிரசாத்

admin See author's posts