18th October 2021

அமைச்சர் ஆர்.பி உதயகுமாரின் தந்தை மறைவு – முதல்வர் பழனிச்சாமி இரங்கல்

தமிழக வருவாய்த்துறை அமைச்சர் ஆர்.பி. உதயகுமாரின் தந்தை போஸ் உடல்நலக் குறைவால் காலமானார். அவருக்கு வயது 68. அமைச்சரின் தந்தையின் மறைவுக்கு முதல்வர் பழனிச்சாமி தனது ட்விட்டர் பக்கத்தில் இரங்கல் தெரிவித்துள்ளார்.

அன்னாரது ஆன்மா இறைவன் திருவடி நிழலில் இளைப்பாற எல்லாம்வல்ல இறைவனை பிரார்த்திக்கிறேன் என்று முதல்வர் பழனிச்சாமி பதிவிட்டுள்ளார்.

தமிழக வருவாய் துறை அமைச்சர் ஆர்.பி.உதயகுமார். சமீபத்தில் நடந்து முடிந்த சட்டசபைத் தேர்தலில் திருமங்கலம் தொகுதியின் வேட்பாளராக களம் இறங்கினார். டி.கல்லுப்பட்டி அருகே டி.குன்னத்தூரில் புதிதாக கட்டப்பட்ட அம்மா கோவில் வளாகத்தில் தனது குடும்பத்தினருடன் வசித்து வந்தார் அமைச்சர் ஆர்பி உதயகுமார்.

இவரது பெற்றோர்களும் அமைச்சருடன் வசித்து வந்தனர். கடந்த சில நாட்களுக்கு முன்பு அமைச்சர் உதயகுமார் தந்தையின் உடல்நலம் பாதிக்கப்பட்டது. உடனடியாக அவர் மருத்துவமனையில் அனுமதிக்கப்பட்டார். இந்த நிலையில் நேற்றிரவு சிகிச்சை பலனின்றி அவர் காலமானார்.

சென்னையில் நேற்று முதல்வர் பழனிசாமி தலைமையிலான அனைத்துக் கட்சி ஆலோசனைக் கூட்டத்தில் அமைச்சர் ஆர்.பி. உதயகுமார் பங்கேற்றிருந்தார். இதனால் சென்னையில் இருந்த அவருக்கு தந்தையின் மறைவு குறித்து தகவல் தெரிவிக்கப்பட்ட நிலையில் அவர் உடனடியாக மதுரைக்குப் புறப்பட்டுச் சென்றார்.

மறைந்த போஸ் உடல் டி.குன்னத்தூர் அம்மா கோவில் வளாகத்தில் உள்ள அவரது வீட்டில் பொதுமக்கள் அஞ்சலிக்காக வைக்கப்பட்டுள்ளது. இதையடுத்து இன்று பிற்பகல் 2 மணிக்கு அம்மா கோவில் வளாகத்திலேயே அவரது உடல் அடக்கம் செய்ய உள்ளதாக தெரிவிக்கப்பட்டுள்ளது.

அமைச்சரின் தந்தை மறைவுக்கு முதல்வர் பழனிச்சாமி தனது ட்விட்டர் பக்கத்தில் இரங்கல் தெரிவித்துள்ளார்.

மாண்புமிகு வருவாய்,பேரிடர் மேலாண்மை மற்றும் தகவல் தொழில்நுட்பவியல் துறை அமைச்சர் திரு ஆர்.பி.உதயகுமார் அவர்களின் தந்தை திரு. ஆர்.போஸ் அவர்கள் உடல்நலக்குறைவால் இன்று காலமானார் என்ற செய்தியறிந்து மிகுந்த வேதனை அடைந்தேன்.

போஸ் அவர்களை இழந்துவாடும் அவரது குடும்பத்தினருக்கு எனது ஆழ்ந்த இரங்கலை தெரிவித்துக் கொள்வதுடன் அன்னாரது ஆன்மா இறைவன் திருவடி நிழலில் இளைப்பாற எல்லாம்வல்ல இறைவனை பிரார்த்திக்கிறேன் என்று முதல்வர் பழனிச்சாமி தனது ட்விட்டர் பக்கத்தில் பதிவிட்டுள்ளார்.

More News

மயிலாடுதுறை திருவாவடுதுறை ஆதீனத்தில் விஜயதசமியை முன்னிட்டு சிறப்பு பூஜைகளுடன் சிறப்பு நூல்கள் வெளியீடு!

admin See author's posts

மயிலாடுதுறை: விவசாய சங்கத்தினர்-போலீசார்இடையே தள்ளு முள்ளு!

admin See author's posts

நடிகர் விஜய் அரசியலுக்கு வந்தால் விடுதலை சிறுத்தைகள் அதை வரவேற்போம் – தொல்.திருமாவளவன்!

admin See author's posts

சீர்காழியில் ரூ. 3 லட்சம் மதிப்புள்ள புகையிலை பொருட்கள் பறிமுதல்!

admin See author's posts

குத்தாலம் அருகே சிறுமியை கற்பழித்து கொலை செய்த இளைஞர் கைது!

admin See author's posts

மயிலாடுதுறை: கொரனோ தடுப்பூசி செலுத்தும் பணியில் சிறப்பாக செயல்பட்ட மருத்துவர்கள் மற்றும் செவிலியர்களுக்கு பாராட்டு!

admin See author's posts

மயிலாடுதுறை அருகே ஊராட்சி மன்ற அலுவலகம் இடமாற்றம் கண்டித்து கிராம மக்கள் சாலை மறியல்!

admin See author's posts

மயிலாடுதுறை அருகே உள்ள பழவாற்றில் மூழ்கி இறந்த சிறுமி உடல் 3- வது நாள் மீட்பு!

admin See author's posts

மேக்கிரிமங்கலம் மற்றும் திருவாடுதுறை ஊராட்சிகளில் 11.50 லட்சம் மதிப்பில் புதிய மின்மாற்றியை பூம்புகார் எம்எல்ஏ தொடங்கி வைத்தார்!

admin See author's posts

தரங்கம்பாடி பொதுதொழிலாளர் சங்க பொறுப்பாளர் முன்னாள் கவுன்சிலர் மாணிக்க.அருண்குமார் முகநூல் நண்பர்கள் உதவியுடன் ஏழைதம்பதியினருக்கு குடில் அமைத்து கொடுத்தார்!

admin See author's posts

You cannot copy content of this page