3rd December 2020

நாகையில், ஊராட்சி ஒன்றிய அலுவலகத்தில் லஞ்ச ஒழிப்பு போலீசார் சோதனை

நாகை மாவட்டம் கீழ்வேளூர் ஊராட்சி ஒன்றிய அலுவலகத்தில் நேற்று மாலை அலுவலர்கள் பணியில் இருந்தனர். அப்போது தஞ்சை மாவட்ட லஞ்ச ஒழிப்பு துறை துணை போலீஸ் சூப்பிரண்டு மனோகரன் தலைமையில் நாகை லஞ்ச ஒழிப்பு இன்ஸ்பெக்டர்கள் ரமேஷ்குமார், அருள்பிரியா, மற்றும் 10-க்கும் மேற்பட்ட அலுவலர்கள் மாலை 4.30 மணி அளவில் 2 ஜீப்களில் வந்தனர்.

பின்னர் அவர்கள் ஜீப்பை விட்டு இறங்கி அதிரடியாக அலுவலகத்திற்குள் நுழைந்தனர். உடனே அந்த அலுவலகத்தின் கதவுகள் அனைத்தும் மூடப்பட்டன. அப்போது பணியில் இருந்த ஊழியர்களின் செல்போன்கள் அனைத்தையும் ‘சுவிட்ச் ஆப்’ செய்யுமாறு லஞ்ச ஒழிப்பு போலீசார் கூறினர்.

ஊழியர்கள் யாரையும் அலுவலகத்தில் இருந்து வெளியில் செல்ல அனுமதிக்கவில்லை. இதனையடுத்து அவர்கள் தங்களது சோதனையை தொடங்கினர். பணியில் இருந்த அலுவலக ஊழியர்களிடம் விசாரணை நடத்தினர். பின்னர் அலுவலகத்தில் உள்ள கோப்புகளை ஆய்வு செய்தனர். மாலை 6.45 மணி வரையில் தொடர்ந்து 2 மணி நேரம் இந்த சோதனை நடந்தது. அப்போது கணக்கில் வராத ரூ.56 ஆயிரம் கண்டுபிடிக்கப்பட்டது. அதை லஞ்ச ஒழிப்பு போலீசார் பறிமுதல் செய்தனர்.

இந்த சோதனை குறித்து லஞ்ச ஒழிப்பு போலீசார் கூறுகையில், இது வழக்கமான சோதனை தான். இருந்தாலும் ரகசிய தகவல் வந்ததன் அடிப்படையில் திடீர் சோதனை நடைபெற்றது என்று கூறினர்.

கடந்த சில மாதங்களுக்கு முன்பு பிரதமரின் வீடுகட்டும் திட்டத்தில் முறைகேடுகள் நடந்ததாக என்ஜினீயர் ஒருவரும், மேற்பார்வையாளர் ஒருவரும் பணியிடை நீக்கம் செய்யப்பட்டனர் என்பது குறிப்பிடத்தக்கது.

SOURCE

More News

தூத்துக்குடியில் இருந்து செல்லும் விமானங்கள் ரத்து

admin See author's posts

கும்பகோணம் காசி விஸ்வநாதர் கோயில் சிறப்புகள்

admin See author's posts

ஆரோக்கியத்தை அதிகரிக்கும் கீரை சாதம் ரெசிபி

admin See author's posts

சர்வதேச ஒருநாள் கிரிக்கெட்: டெண்டுல்கரின் சாதனையை முறியடித்தார் கோலி

admin See author's posts

சர்வதேச மாற்றுத்திறனாளிகள் தினத்தையொட்டி முதலமைச்சர் பழனிசாமி வாழ்த்து

admin See author's posts

நவம்பர் மாதத்தில் தமிழக ஜிஎஸ்டி 10 சதவீதம் அதிகரிப்பு- மத்திய அரசு

admin See author's posts

மருத்துவ படிப்பில் அகில இந்திய ஒதுக்கீட்டின் கீழுள்ள காலியிடங்கள் வாய்ப்பை தவறவிட்ட அரசுப்பள்ளி மாணவர்களுக்கு ஒதுக்கப்படும் – தமிழக அரசு

admin See author's posts

தென்மாவட்டங்களில் கனமழை பெய்ய வாய்ப்பு

admin See author's posts

8 மாதங்களுக்குப் பிறகு தமிழகத்தில் கல்லூரிகள் திறப்பு – முதுகலை இறுதியாண்டு மாணவர்களுக்கு மட்டும் வகுப்புகள் துவங்கின

admin See author's posts

நடிகர் ரஜினிகாந்துடன் தமிழருவி மணியன் ஆலோசனை

admin See author's posts