25th February 2021

பிசினஸ் கணக்குகளுக்கு மட்டுமே பிரைவசி பாலிசி மாற்றங்கள் பொருந்தும் – வாட்ஸ்அப் நிறுவனம் விளக்கம்

வாட்ஸ்அப் செயலியில் நண்பர்கள், குடும்பத்தினர் மற்றும் சகஊழியர்களுக்கு பயனாளர்கள் அனுப்பும் செய்திகளை தங்களால் பார்க்கவோ அழைப்புகளை கேட்கவோ இயலாது என அந்நிறுவனம் விளக்கம் அளித்துள்ளது.

இந்தியாவில் கோடிக்கணக்கானவர்களால் பயன்படுத்தப்பட்டு வரும் வாட்ஸ்அப் செயலியின் பிரைவசி பாலிசியை அந்நிறுவனம் மாற்றியமைத்துள்ளது.

பிப்ரவரி 8ஆம் தேதி முதல் இந்த மாற்றங்கள் அமலுக்கு வருகின்றன. இந்த மாற்றங்கள் குறித்து எழுந்த சந்தேகங்களாலும், அதிருப்தியாலும் சிக்னல், டெலிகிராம் உள்ளிட்ட செயலிகளுக்கு பலரும் மாறி வருகின்றனர்.

இந்நிலையில், பிசினஸ் வாட்ஸ்அப் கணக்குகளுக்கு மட்டுமே பிரைவசி பாலிசி மாற்றங்கள் பொருந்தும் என அந்நிறுவனம் தெரிவித்துள்ளது. மற்றபடி, நண்பர்கள், குடும்பத்தினருக்கு அனுப்பப்படும் மெசேஜ்களின் அந்தரங்க தன்மையை எவ்விதத்திலும் பாதிக்காது என குறிப்பிட்டுள்ளது.

வதந்திகள் பரவியதால் விளக்கம் அளிப்பதாக தெரிவித்துள்ள வாட்ஸ்அப் நிறுவனம், பிரைவேட் மெசேஜ்களுக்கும், குரூப் சாட்களுக்கும் என்கிரிப்சன் எனப்படும் ரகசியகுறியீட்டு முறை பாதுகாப்பு தொடர்ந்து வழங்கப்படும் என்று கூறியுள்ளது.

என்கிரிப்சன் இருப்பதால் பயனாளர்களின் பிரைவேட் மெசேஜ்களை பார்க்கவோ, அழைப்புகளை கேட்கவோ வாட்ஸ்அப் நிறுவனத்தால் முடியாது என்றும், இதேபோல, ஃபேஸ்புக் நிறுவனமும் மெசேஜ்களை படிக்கவோ அழைப்புகளை கேட்கவோ முடியாது என்றும் விளக்கம் அளிக்கப்பட்டுள்ளது.

200 கோடி பயனாளர்களின் தகவல் தொடர்பு குறித்த விவரங்களை சேமித்து வைப்பது அந்தரங்க தன்மைக்கும், பாதுகாப்புக்கும் ஊறு விளைவிக்கும் என்பதால், அந்த வேலையை தாங்கள் செய்வதில்லை என்றும், மொபைல் சேவை வழங்கும் நிறுவனங்களே இதைச் செய்கின்றன என்றும் வாட்ஸ்அப் கூறியுள்ளது.

பயனாளர்கள் பகிரும் லொக்கேசன் விவரங்களையும் வாட்ஸ்அப் நிறுவனம் பார்க்காது என்றும், கான்டாக்ட் லிஸ்ட் விவரங்கள் ஃபேஸ்புக் உள்ளிட்ட வேறு எந்த செயலியுடனும் பகிர்ந்து கொள்ளப்படாது என்றும் விளக்கம் அளிக்கப்பட்டுள்ளது.

More News

மயிலாடுதுறையில் காவல்துறைக்கு உதவி வரும் தன்னார்வலர்களுக்கு ஊக்கத்தொகை வழங்க கோரிக்கை

admin See author's posts

நாளை முதல் 9, 10, 11ம் வகுப்பு மாணவர்கள் பள்ளிக்கு வர வேண்டாம்

admin See author's posts

கொரோனாவால் தயக்கத்துடன் கேட்டேன்…யோசிக்காமல் உதவி செய்தார்! – ரோபோ ஷங்கர்

admin See author's posts

டிஜிட்டல் தொழில்நுட்பத்தில் அசத்தும் ஜெயலலிதா நினைவிடம்

admin See author's posts

மயிலாடுதுறை மாவட்டம் தரங்கம்பாடி அருகே புதிய பேருந்து நிலையம் அடிக்கல் நாட்டு விழா நடைபெற்றது

admin See author's posts

செல்போன், கம்பியூட்டர் தயாரித்து ஏற்றுமதி செய்யும் நிறுவனங்களுக்கு சலுகை.: அமைச்சர் ரவிசங்கர் பிரசாத்

admin See author's posts

விளையாட்டாய் சில கதைகள்: விஸ்வரூபம் எடுத்த கிரிக்கெட் கடவுள்

admin See author's posts

கூகுள் பிளே மியூசிக் வசதி இனிமேல் கிடையாது; கூகுள் நிறுவனம் அறிவிப்பு

admin See author's posts

மின்வாரிய காலி பணியிடங்களுக்கு விண்ணப்பிக்க அழைப்பு

admin See author's posts

உலகின் மிகப்பெரிய கிரிக்கெட் மைதானத்திற்கு மோடி பெயர் சூட்டல்

admin See author's posts