24th November 2020

தஞ்சை பெரியகோவிலில் 10 வயதுக்குட்பட்ட குழந்தைகளை அனுமதிக்க மறுப்பு

தஞ்சை பெரிய கோவில் உலக பாரம்பரிய சின்னமாக விளங்கி வருகிறது. இது தமிழர்களின் கட்டிடக்கலைக்கு எடுத்துக்காட்டாகவும் திகழ்ந்து வருகிறது. இந்த கோவில் மத்திய அரசின் கட்டுப்பாட்டில் உள்ள தொல்லியல் துறை பராமரிப்பில் இருந்து வருகிறது. இந்த கோவிலுக்கு தமிழகம் மட்டும் அல்லாது இந்தியாவின் பல்வேறு மாநிலங்களில் இருந்தும், வெளிநாடுகளில் இருந்தும் ஏராளமான பக்தர்கள், சுற்றுலா பயணிகள் வந்த வண்ணம் இருந்தனர்.

இந்த நிலையில் கொரோனா பரவலை தடுக்கும் வகையில் தஞ்சை பெரியகோவில் கடந்த மார்ச் மாதம் 18-ந்தேதி மூடப்பட்டது. அன்று முதல் பக்தர்கள் அனுமதிக்கப்படவில்லை. 4 வேளை பூஜைகள் மட்டும் நடைபெற்று வந்தது. இந்த நிலையில் கொரோனா ஊரடங்கில் தளர்வுகள் அறிவிக்கப்பட்ட பின்னர் கடந்த மாதம் 1-ந்தேதி முதல் பக்தர்கள் அனுமதிக்கப்பட்டு வருகின்றனர்.

மேலும் 10 வயதுக்குட்பட்ட குழந்தைகளுக்கும், 60 வயதுக்கு மேற்பட்டவர்களுக்கும் அனுமதி கிடையாது எனவும் அறிவிக்கப்பட்டது. மேலும் கோவிலுக்கு வரும் பக்தர்கள் கண்டிப்பாக முக கவசம் அணிந்து வர வேண்டும் எனவும் உத்தரவிடப்பட்டுள்ளது. இது தொடர்பான அறிவிப்பு பலகையும் கோவில் முன்பு வைக்கப்பட்டுள்ளது.

ஆரம்பத்தில் பக்தர்கள் கூட்டம் குறைந்த அளவே இருந்தது. தற்போது பக்தர்கள் கூட்டம் அதிகரித்துக்கொண்டே வருகிறது. குறிப்பாக சனி, ஞாயிற்றுக்கிழமைகளில் வெளி மாவட்டங்களை சேர்ந்த பக்தர்கள் வருகை அதிக அளவில் உள்ளது. அதன்படி நேற்றும் காலை முதலே பக்தர்கள் கூட்டம் அதிகமாக காணப்பட்டது.

கோவிலுக்கு வரும் பக்தர்கள் தங்களுடைய குழந்தைகளையும் அழைத்து வருகிறார்கள். ஆனால் 10 வயதுக்குட்பட்ட குழந்தைகள் அனுமதி கிடையாது என கோவில் ஊழியர்கள் தெரிவித்தாலும் சிலர் கேட்பதில்லை. அவர்கள் ஊழியர்களுடன் வாக்குவாதத்தில் ஈடுபடுகிறார்கள். அதன்படி நேற்று வேலூர் மற்றும் பல மாவட்டங்களில் இருந்து வந்த பக்தர்கள் தங்களுடன் குழந்தைகளை அனுமதிக்க மறுத்ததால் கோவில் ஊழியர்களுடன் வாக்குவாத்தில் ஈடுபட்டனர். பின்னர் அவர்கள் திடீரென பெரியகோவில் முன்பு மறியலில் ஈடுபட்டனர்.

இதையடுத்து அங்கு வந்த போலீசார் அவர்களை சமாதானம் செய்தனர். இதையடுத்து கோவிலுக்குள் சென்ற அவர்கள், ராஜராஜன் நுழைவுவாயில் அருகே சென்று மீண்டும் உள்ளே செல்ல அனுமதிக்குமாறு கோரினர். அப்போது கோவில் கதவு சாத்தப்பட்டது. 10 வயதுக்குட்பட்ட குழந்தைகளுக்கு கண்டிப்பாக அனுமதி கிடையாது என கோவில் ஊழியர்கள் கூறினர். இதனால் மீண்டும் வாக்குவாதம் நடைபெற்றது. பின்னர் அவர்கள் திரும்பிச்சென்றனர். இதனால் கோவில் வளாகத்தில் பரபரப்பு நிலவியது.

SOURCE

More News

நிவர் புயல் பாதிப்புக்கு முன் விவசாயிகள் பயிர் காப்பீடு செய்திடுவதில் சிக்கல், கால அவகாசம் தேவை முன்னாள் எம்எல்ஏ ஜெகவீரபாண்டியன் கோரிக்கை

admin See author's posts

43 மொபைல் செயலிகளுக்கு மத்திய அரசு செவ்வாய்க்கிழமை தடை விதித்துள்ளது.

admin See author's posts

“நாகையில் தாழ்வான பகுதிகளில் வசிப்பவர்கள் முகாம்களுக்கு உடனே வரவேண்டும்”- ஆட்சியர்!

admin See author's posts

நாளை அரசு விடுமுறை அறிவித்தார் முதல்வர் பழனிசாமி

admin See author's posts

நிவர் புயல்: மாநில, மாவட்டங்களுக்கான அவசர உதவி எண்களும்`TNSMART’ செயலியும்..!

admin See author's posts

நிவர் புயல் எதிரொலி: புதுச்சேரியில் ஊரடங்கு அறிவிப்பு.!

admin See author's posts

JTWC இன் மூன்றாவது எச்சரிக்கை பாண்டிச்சேரிக்கு அருகில் கரையைக் கடக்கும் என கணிப்பு

admin See author's posts

தருமபுரம் ஆதீனம் கலைக்கல்லூரியில் யோகா பயிற்சி மையத் துவக்க விழா!!!

admin See author's posts

மயிலாடுதுறையில் புனித சவேரியார் ஆலய ஆண்டு திருவிழா கொடியேற்றத்துடன் தொடக்கம்

admin See author's posts

காலமானார் நடிகர் தவசி..!

admin See author's posts