மயிலாடுதுறை கலெக்டர் அலுவலக வளாகத்தில் பெண் தீக்குளிக்க முயற்சி!!

எனது கணவர் இறந்து விட்ட நிலையில் குத்தாலத்தில் தனியாக வசித்து வருகிறேன். கடந்த 2017-ம் ஆண்டு ஜூன் மாதம் 2-ந் தேதி இரவு 11 மணி அளவில் வீட்டின் வாசல் கேட்டை பூட்டும்போது அங்கு வந்த 2 பேர் எனது வாயைப்பொத்தி கழுத்தை நெரித்தனர். நான் மயங்கி விழுந்த பின்னர், என்னிடமிருந்த 4 பவுன் நகை மற்றும் ரூ.41 ஆயிரத்தை பறித்து சென்றனர்.இதுகுறித்து குத்தாலம் போலீஸ் நிலையத்தில் திருடிச்சென்றவர்களின் பெயரை குறிப்பிட்டு புகார் அளித்திருந்தேன். புகாரை பெற்ற அன்றைய பெண் போலீஸ் இன்ஸ்பெக்டர், திருட்டுப்போன பொருளை கைப்பற்றி என்னிடம் ஒப்படைக்கவில்லை. திருடியவர்கள் மீது வழக்கும் பதிவு செய்யவில்லை.

இதுகுறித்து தஞ்சை டி.ஐ.ஜி., மாவட்ட போலீஸ் சூப்பிரண்டு, மாவட்ட கலெக்டர் என பலரிடம் புகார் அளித்தும் எந்தவித நடவடிக்கையும் எடுக்கவில்லை. இதனையடுத்து மயிலாடுதுறை கோர்ட்டில் திருடியவர்கள் மீதும், வழக்குப்பதியாத அன்றைய இன்ஸ்பெக்டர் மீதும் புகார் மனு கொடுத்தேன்.