1st August 2021

அடுத்த 10 நாட்களுக்கு எச்சரிக்கையாக இருங்கள்! சுகாதாரத்துறை செயலாளர் ராதாகிருஷ்ணன்

கொரோனா தொற்று மிக வேகமாக பரவி வருவதால், அடுத்த 10 நாட்கள் மக்கள் மிகவும் கவனமாகவும், எச்சரிக்கையாகவும் இருக்க வேண்டும் என சுகாதாரத் துறை செயலாளர் ராதாகிருஷ்ணன் தெரிவித்துள்ளார்.

தமிழகத்தில் நேற்று மட்டும் 17,897 பேர் கொரோனா வைரஸால் பாதிக்கப்பட்டுள்ளனர். அதன்படி, மொத்தமாக பாதிக்கப்பட்டோரின் எண்ணிக்கை 11 லட்சத்து 48,064ஆக அதிகரித்துள்ளது. பாதிக்கப்பட்டவர்களில் 10,866 பேர் ஆண்கள், 7,031 பேர் பெண்கள். மருத்துவமனைகளில் 1,12,556 பேர் சிகிச்சை பெற்று வருகின்றனர். தனியார் மருத்துவமனைகளில் 46 பேர், அரசு மருத்துவமனைகளில் 61 பேர் என நேற்று மட்டும் 107 பேர் உயிரிழந்தனர். மொத்த எண்ணிக்கை 13,933 ஆக அதிகரித்துள்ளது. 15,542 பேர் கொரோனா தொற்றிலிருந்து குணமடைந்து வீடு திரும்பியுள்ளனர். தமிழகத்தில் ஒவ்வொரு நாளும் கொரோனா பரவல் அசுர வேகத்தில் சென்று கொண்டிருக்கிறது.

இந்த நிலையில், சென்னை எழும்பூர் தாய் சேய் மருத்துவமனையில் கொரோனா சிகிச்சைக்காக புதிதாக அமைக்கப்பட்ட 250 படுக்கைகள் மற்றும் கொரோனா தொற்றுள்ள கர்ப்பிணிகளுக்கான பிரத்யேகமாக அமைக்கப்பட்டுள்ள 60 படுக்கை வசதிகளை சுகாதாரத்துறை செயலாளர் ராதாகிருஷ்ணன் நேற்று மாலை தொடங்கி வைத்தார்.

இதையடுத்து செய்தியாளர்களைச் சந்தித்த அவர், “போர்க்கால அடிப்படையில் 12,852 ஆக்சிஜன் படுக்கைகளை உருவாக்க முதல்வர் உத்தரவிட்டிருந்தார். அதன்படி, கடந்த இரண்டு நாட்களில் 576 படுக்கைகள் உருவாக்கப்பட்டன. நாளை 3,076 படுக்கைகளும், வருகிற 7ஆம் தேதிக்குள் 8,225 படுக்கைகளும் தயார் நிலையில் இருக்கும். ராஜீவ் காந்தி அரசு மருத்துவமனையில் இரண்டு நாட்களுக்குள் 500 படுக்கைகள் உருவாக்கப்பட உள்ளன.

கடந்த வாரம் 354 மருத்துவர்கள் நியமிக்கப்பட்ட நிலையில், மேலும் 900 முதுகலை பட்டம் பெற்றவர்களை பணியில் ஈடுபடுத்தவுள்ளோம்.

மினி கிளினிக்கில் உள்ள 1,500க்கும் மேற்பட்ட மருத்துவர்களை கோவிட் கேர் சென்டருக்கு பணியாற்ற மாற்றியுள்ளோம். கோவை போன்ற இடங்களில் செவிலியர்கள், மருத்துவர்கள் தேவைப்படுகின்றனர். அங்கேயும் அவர்களைப் பணியமர்த்துவதற்கான நடவடிக்கைகள் எடுக்கப்பட்டு வருகிறது.

தமிழகத்தில் தேவையை விட மூன்று மடங்கு ஆக்சிஜன் சேமிப்பில் உள்ளது. கொரோனா வைரஸ் மிக வேகமாகப் பரவி வருவதால், அடுத்த 10 நாட்களுக்கு மக்கள் மிகவும் எச்சரிக்கையாகவும், கவனமாகவும் இருக்க வேண்டும். வெளியே அதிகம் செல்ல வேண்டாம். தேவையான பாதுகாப்பு நடவடிக்கைகளைப் பின்பற்ற வேண்டும். ரெம்டெசிவிர் மருந்து மேஜிக் கிடையாது. கொரோனா தொற்று பாதிக்கப்பட்டவர்களில் 30 சதவிகிதம் பேருக்கு மட்டுமே அந்த மருந்து தேவைப்படுகிறது. தனியார் மருத்துவமனைகள் ரெம்டெசிவிரைத் தேவையில்லாமல் கொடுத்தால் நடவடிக்கை எடுக்கப்படும். ரெம்டெசிவிர் இல்லையென்றால் உயிர் போய்விடும் என்று தவறான தகவல்களைப் பரப்ப வேண்டாம்” எனத் தெரிவித்தார்.

More News

மயிலாடுதுறை மாவட்டம் காசநோய் கண்டறியும் முகாமை தொடங்கி வைத்தார் நிவேதா எம்.முருகன்!

admin See author's posts

அரசு வேலைவாய்ப்பில் தமிழ் வழிக் கல்வி பயின்றோருக்கு இடஒதுக்கீடு வழங்க ஏதுவாக விவரம் கோரியது டி.என்.பி.எஸ்.சி..!!

Rathika S See author's posts

தமிழக பள்ளிகளில் பாடத்திட்டங்கள் குறைக்கப்படும் – அமைச்சர் அன்பில் மகேஷ் பொய்யாமொழி!

admin See author's posts

ஆன்லைனில் TRB தேர்வுகள் நடைபெறும் – ஆசிரியர் தேர்வு வாரியம் அறிவிப்பு..!

Rathika S See author's posts

இன்று மயிலாடுதுறை மாவட்ட காவலர்களுக்கு அணிவகுப்பு நடைபெற்றது!

admin See author's posts

+2 துணைத் தேர்வுக்கான ஹால் டிக்கெட் இன்று வெளியாகிறது..!

admin See author's posts

10ம் வகுப்பு படித்தவர்களுக்கு. மாதம் ரூ.19,900 சம்பளத்தில். இந்திய அஞ்சல் துறையில் அருமையான வேலை.!!!

Rathika S See author's posts

மாவட்ட சுகாதார துறையில் மீண்டும் நேரடி வேலைவாய்ப்பு.!

Rathika S See author's posts

சென்னையில் மக்கள் அதிகம் கூடும் 9 மார்க்கெட் பகுதிகளில் உள்ள கடைகள் திறக்க தடை!

admin See author's posts

தமிழக காவலர்களுக்கு வாரத்தில் ஒரு நாள் கட்டாய லீவு… மிகைநேர ஊதியம் – டிஜிபி சைலேந்திரபாபு உத்தரவு!

admin See author's posts

You cannot copy content of this page