3rd December 2021

தமிழகத்தில் வாக்குப்பதிவு இயந்திரங்களில் பெயர், சின்னங்கள் பொருத்தும் பணி தொடக்கம்

தமிழகத்தில் சட்டப்பேரவைத் தேர்தல் வாக்குப்பதிவுக்கு இன்னும் 10 நாட்களே உள்ளன. சென்னையில் உள்ள 16 தொகுதிகளுக்கான வாக்குப்பதிவு இயந்திரங்களில் வேட்பாளர்கள் பெயர், சின்னங்கள் பொருத்தும் பணி தொடங்கியுள்ளது.

அரசியல் கட்சிகள் தீவிர பரப்புரையில் ஈடுபட்டுவரும் நிலையில் தேர்தலை சுதந்திரமாகவும், நேர்மையாகவும் நடத்த தேர்தல் ஆணையம் தன்னுடைய பணிகளை செய்து வருகிறது. சென்னையில் 16 சட்டமன்ற தொகுதிகளில் 40 லட்சத்து 57 ஆயிரத்து 360 வாக்காளர்கள் உள்ளனர். பொதுமக்கள் வாக்களிக்க 5 ஆயிரத்து 911 வாக்குச்சாவடி மையங்களை அமைக்க சென்னை மாவட்ட தேர்தல் ஆணையம் நடவடிக்கை எடுத்துவருகிறது. இதில் 461 வாக்குச்சாவடிகள் பதற்றமானவை என கண்டறியப்பட்டுள்ளது. வாக்காளர்களின் எண்ணிக்கைக்கு ஏற்ப அந்த தொகுதி வாக்குச் சாவடிகளுக்கு அனுப்ப 9 ஆயிரத்து 847 மின்னணு வாக்குப்பதிவு இயந்திரங்கள் தயார்நிலையில் உள்ளன. காவலர்கள் பாதுகாப்புடன் தனி அறையில் வாக்குப்பதிவு இயந்திரங்கள் வைக்கப்பட்டுள்ளன.

அந்தந்த தொகுதிகளில் போட்டியிடும் வேட்பாளர்கள் புகைப்படத்துடன் கூடிய பெயர் மற்றும் சின்னங்கள் பொறிக்கப்பட்ட பின்னர், அந்தந்த வாக்குச் சாவடிகளுக்கு வாக்குப்பதிவு இயந்திரங்கள் அனுப்பி வைக்கப்படும். முன்னதாக வாக்குச்சாவடி மையத்தை தயார்படுத்தும் வேலைகளையும் தேர்தல் ஆணையம் தீவிரப்படுத்தியுள்ளது. வாக்குச்சாவடி மையத்தில் சி.சி.டி.வி கேமராக்கள் பொருத்தம், போதிய காவலர்கள் பாதுகாப்பை உறுதிபடுத்துவதில் கூடுதல் கவனம் செலுத்த தேர்தல் ஆணையம் திட்டமிட்டுள்ளது. 461 பதற்றமான வாக்குச்சாவடிகளில் 30 ஆயிரம் பேர் பாதுகாப்பு பணியில் ஈடுபட உள்ளனர். தேர்தல் பணியில் இருக்கும் ஊழியர்களுக்கு 2ஆம் கட்ட பயற்சியும் அளிக்கப்படுகிறது. முறைகேடுகளை களைய தேர்தல் கட்டுப்பாட்டு அறை அமைக்கப்பட்டுள்ள நிலையில், வாக்காளர்கள் புகார் அளிக்க 1950 என்ற எண்ணையும் தேர்தல் ஆணையம் வெளியிட்டுள்ளது.

 

Source : Puthiya Thalaimurai

More News

மயிலாடுதுறை அருகே 10 ஆண்டுகளாக தூர்வாரப்படாத வடிவாய்க்காலால் விவசாயிகளின் 500 ஏக்கர் நெற்பயிர் நீரில் மூழ்கியது!

admin See author's posts

மயிலாடுதுறை:பேருந்தின் படியில் தொங்கி மாணவர்கள் பயணம் .. கோபத்தில் நடுச்சாலையில் பேருந்தை நிறுத்திய ஓட்டுநர்!

admin See author's posts

விவசாயிகளின் காப்பீடு தொகையை மோசடி செய்த வி.ஏ.ஓ. பணியிடை நீக்கம்!

admin See author's posts

மயிலாடுதுறை அருகே இலவச வீட்டு மனை பட்டா வழங்கினார் – நிவேதா எம்.முருகன்!

admin See author's posts

மயிலாடுதுறை அரசு மருத்துவமனையில் உலக எய்ட்ஸ் தின உறுதிமொழி ஏற்பு !

admin See author's posts

டில்லியில் பெட்ரோல் விலை ரூ.8 குறைப்பு!

admin See author's posts

கலைஞரை போல ஸ்டாலினும் இதனை செய்ய வேண்டும்.. முதல்வர் ஸ்டாலினுக்கு ராமதாஸ் முக்கிய கோரிக்கை!

admin See author's posts

மயிலாடுதுறை: விவசாயிகளின் காப்பீடு தொகை மோசடி செய்ததாக வி.ஏ.ஓ. மீது புகார்!

admin See author's posts

அதிமுகவின் தற்காலிக அவைத்தலைவராக தமிழ்மகன் உசேன் நியமனம்

admin See author's posts

வணிக பயன்பாட்டுக்கான சமையல் எரிவாயு சிலிண்டர் விலை ரூ.101 உயர்வு

admin See author's posts

You cannot copy content of this page