அரசு மருத்துவமனைக்கு “குரு-94 “அமைப்பு சார்பில் ஆக்சிஜன் கருவிகள்

மயிலாடுதுறை மாவட்டத்தில் கொரோனா நோய் தொற்றால் பாதிக்கப்பட்டு அரசு மருத்துவமனை மற்றும் ஆரம்ப சுகாதார நிலையங்களில் சிகிச்சை பெறுபவர்களுக்கு உதவிடும் வகையில் மயிலாடுதுறை “குரு-94” அமைப்பு சார்பில் ஆக்சிஜன் கருவிகள் வழங்கப்பட்டது. மயிலாடுதுறை குருஞானசம்பந்தர் மெட்ரிகுலேஷன் மேல்நிலைப் பள்ளியில் 1994 ஆம் ஆண்டு மேல்நிலைக் கல்வி பயின்ற மாணவர்கள் ஒன்றிணைந்து “குரு-94” என்ற அமைப்பை உருவாக்கி அதன்மூலம் பேரிடர் கால நிவாரண உதவிகள், கல்வி உதவிகள் போன்ற பல்வேறு சேவை பணிகளை செய்து வருகின்றனர்.

இந்நிலையில், கொரோனா நோய் தொற்றால் பாதிக்கப்பட்டு அரசு மருத்துவமனை, ஆரம்ப சுகாதார நிலையங்கள் மற்றும் சிறப்பு முகாம்களில் சிகிச்சை பெற்று வரும் கிராமப்புற ஏழை, எளிய மக்களுக்கு உதவும் வகையில் சுமார் 7 லட்சம் மதிப்புள்ள ஜெர்மனி நாட்டில் இருந்து இறக்குமதி செய்யப்பட்ட அதிநவீன ஆக்சிஜன் செறிவூட்டிகள், பல்ஸ் ஆக்சிஜன் மீட்டர் கருவிகள் வழங்கும் நிகழ்வு அரசு மருத்துவமனையில் நடைபெற்றது.

மாவட்ட ஆட்சியர் இரா.லலிதா மற்றும் அரசு மருத்துவமனை முதன்மை குடிமை அலுவலர் டாக்டர்.ராஜசேகர் ஆகியோரிடம் “குரு-94” திட்ட ஒருங்கிணைப்பாளர்கள் டாக்டர்.இராஜசிம்மன், டாக்டர்.இர்ஷாத் அகமது, வழக்கறிஞர் வேல்சந்த், தொழிலதிபர் ராஜேஷ், பள்ளி முன்னாள் ஆசிரியர் குமார் உள்ளிட்டோர் ஆக்சிஜன் கருவிகளை வழங்கினர்.

மயிலாடுதுறை, தமிழகம் மட்டுமின்றி இந்தியாவின் பல்வேறு பகுதிகளிலும், வெளிநாடுகளிலும் வசித்து வரும் “குரு-94“ அமைப்பு மாணவர்கள் மயிலாடுதுறையின் மீது பற்றுக் கொண்டு, சூழலுக்கேற்ப தேவையான உதவிகளை தொடர்ந்து செய்து வரும் “குரு-94” மாணவர்களின் சேவை பணிகளை குருஞான சம்பந்தர் பள்ளி நிர்வாகத்தினர், மருத்துவர்கள், அரசு அதிகாரிகள் உள்ளிட்டோர் பாராட்டினர்.

More News

சார் பதிவாளர்கள் இனி உயர்ந்த மேடையில் அமரக்கூடாது – வணிகவரித்துறை!

admin See author's posts

அகத்திய முனி வரலாறு மற்றும் வழிபடுவதால் கிடைக்கும் பலன்கள்!

admin See author's posts

நடிகர் சூர்யா பிறந்தநாளை முன்னிட்டு மயிலாடுதுறையில் மதிய உணவு வழங்கப்பட்டது!

admin See author's posts

மயிலாடுதுறையில் ரிங் ரோடு பணி விரைவில் துவங்கும்!

admin See author's posts

மயிலாடுதுறையில் குழந்தைகளை பாதுகாப்பதற்கான நியூமோகோக்கல் கான்ஜீகேட் தடுப்பூசி வழங்கும் விழா!

admin See author's posts

தமிழகத்தில் புதிதாக தொடங்கப்பட்ட சிறுகுறு தொழில் நிறுவனங்களுக்கு சலுகைகள் அறிவிப்பு!

admin See author's posts

12ம் வகுப்பில் கூடுதல் மதிப்பெண் பெற விருப்பத் தேர்வுக்கான விண்ணப்பப்பதிவு தொடங்கியது..!!

admin See author's posts

பயனாளர்களின் தகவல்களை பகிர மாட்டோம்.. இறங்கிவந்த வாட்ஸ்அப் நிறுவனம் !!

admin See author's posts

ஆர்ப்பாட்டத்தில் ஈடுபட்ட மருத்துவக் கல்லூரி பயிற்சி மருத்துவர்கள்!

admin See author's posts

விவசாயிகளுக்கு உழவு இயந்திரம் வழங்கும் நிகழ்ச்சி!

admin See author's posts

You cannot copy content of this page