மயிலாடுதுறை பகுதியில் 3 மோட்டார் சைக்கிள்களை திருடிய வாலிபரை போலீசார் கைது செய்தனர்!!

மயிலாடுதுறை அருகே கொற்கை மேலத்தெருவை சேர்ந்த லட்சுமணன் மகன் சீனிவாசன் (வயது 29). இவர் கடந்த 13-ந் தேதி மயிலாடுதுறை அரசு ஆஸ்பத்திரியில் சிகிச்சை பெற்று வரும் நோயாளி ஒருவரை பார்ப்பதற்காக தனது மோட்டார் சைக்கிளை நிறுத்திவிட்டு உள்ளே சென்றார். பின்னர் திரும்பி வந்து பார்த்தபோது ஆஸ்பத்திரி முன்பு நிறுத்தி இருந்த மோட்டார் சைக்கிளை காணவில்லை.
இதேபோல மயிலாடுதுறை அருகே சித்தமல்லி பஜனைமடத்தெருவை சேர்ந்த செல்வராஜ் மகன் ராஜேஷ் (30) என்பவர் தனது மோட்டார் சைக்கிளை நிறுத்திவிட்டு அரசு ஆஸ்பத்திரியில் சிகிச்சை பெற்றுவரும் ஒருவரை பார்த்துவிட்டு திரும்பியுள்ளார். அப்போது தான் நிறுத்திவிட்டு சென்ற மோட்டார் சைக்கிளை காணவில்லை. அதேபோல நேற்று முன்தினம் மயிலாடுதுறை சேந்தங்குடி சிவப்பிரியா நகரை சேர்ந்த ராஜகோபாலன் (66) என்பவர், அவரது வீட்டின் வளாகத்தில் நிறுத்தி வைத்திருந்த மோட்டார் சைக்கிளை காணவில்லை.
இதுகுறித்து சீனிவாசன், ராஜேஷ் மற்றும் ராஜகோபால் ஆகியோர் கொடுத்த புகாரின்பேரில் மயிலாடுதுறை போலீசார் வழக்குப்பதிவு செய்து, இந்த 3 சம்பவங்கள் தொடர்பாகவும் அந்தந்த பகுதிகளில் பொருத்தப்பட்டிருந்த கண்காணிப்பு கேமராக்களின் பதிவுகளை கைப்பற்றி போலீசார் ஆய்வு செய்தனர்.

அந்த ஆய்வின் அடிப்படையில் குத்தாலம் அருகே சிவராமபுரம் கிராமத்தை சேர்ந்தவரும், தற்போது சீர்காழி தாலுகா மங்கைமடம் குரவளூர் கிராமத்தில் வசித்து வருபவருமான ராமு மகன் பரணிகுமார் (22) என்பவரை பிடித்து விசாரணை மேற்கொண்டனர். விசாரணையில், அவர், 3 மோட்டார் சைக்கிளையும் திருடியது தெரியவந்தது. இதனையடுத்து போலீசார் வழக்குப்பதிவு செய்து, பரணிகுமாரை கைது செய்து, 3 மோட்டார் சைக்கிளையும் பறிமுதல் செய்தனர்.

 

 

 

More News

மயிலாடுதுறையில் வண்ணான் குளத்தை சுற்றி நடைபயிற்சி மேடை, பூங்கா அமைக்கும் பணி!

admin See author's posts

`கூடிய விரைவில் தமிழ்நாட்டை கருணாநிதி நாடு என பெயர் மாற்றுவார்கள்’- ஜெயக்குமார் காட்டம்

admin See author's posts

ஜெர்மனி சென்றடைந்தார் பிரதமர் மோடி: சிவப்பு கம்பள வரவேற்பு!

admin See author's posts

பிரசாந்த் கிஷோர் அரசியல் கட்சி தொடங்க திட்டம்?.. மக்களிடம் நேரடியாக செல்ல வேண்டிய நேரம் வந்துவிட்டது என ட்வீட்!

admin See author's posts

மயிலாடுதுறை மாவட்டம் சீர்காழியில் ஏ.ஐ.டி.யூ.சி.- விடுதலை சிறுத்தைகள் கட்சியினர் மே தின ஊர்வலம்!

admin See author's posts

மயிலாடுதுறை மாவட்டத்தில் மே தின கிராம சபை கூட்டம் நடந்தது!

admin See author's posts

விவசாயிகள் கோரிக்கை மனுக்களை கணினியில் பதிவு செய்து 15 நாளில் தீர்வு காண வேண்டும்-மயிலாடுதுறை குறைதீர் நாள் கூட்டத்தில் வலியுறுத்தல்!

admin See author's posts

எலட்ரிக் ஸ்கூட்டரில் தீ விபத்து: உயிர் தப்பிய தந்தை, மகன்!

admin See author's posts

நாகை அருகே தேர் சக்கரத்தில் சிக்கி பலியான இளைஞருக்கு ரூ.5 லட்சம் நிவாரணம்

admin See author's posts

மே 1ல் மக்களாட்சி மணம் வீசட்டும் – முதலமைச்சர் வாழ்த்து

admin See author's posts

You cannot copy content of this page