தமிழக சட்டமன்றத் தேர்தல் களம் சூடுபிடித்துள்ள நிலையில், மயிலாடுதுறை தொகுதியில் காங்கிரஸ் பேரியக்கத்தின் சார்பில் Y.N. ஜமால் முகமது யூனுஸ் களம் காண்கிறார். பாரம்பரியம் மிக்க குடும்பப் பின்னணியும், அசாத்தியமான அரசியல் அனுபவமும் கொண்டவர்.
ஜமால் முகமது யூனுஸின் குடும்பம் 1902-ஆம் ஆண்டிலிருந்தே வணிகம் மற்றும் பொதுச் சேவையில் தடம் பதித்த புகழ்பெற்ற குடும்பமாகும். இவரது கொள்ளுத் தாத்தா ஜமால் முகமது சாஹிப் லண்டன் வரை தோல் வணிகம் செய்தவர். 1921-ல் மகாத்மா காந்தி தென்னிந்தியாவில் ஒத்துழையாமை இயக்கத்தை முன்னெடுத்தபோது, நிதி உதவி வழங்கி சுதந்திரப் போராட்டத்திற்கு ஆதரவு அளித்த பெருமை இக்குடும்பத்திற்கு உண்டு.
கல்விப் பணியிலும் இக்குடும்பம் முன்னோடியாகத் திகழ்கிறது. சென்னையில் உள்ள ஜமாலியா மேல்நிலைப் பள்ளி, தஞ்சாவூர் அதியூராச்சிரமத்தில் உள்ள கிரசன்ட் பள்ளி மற்றும் திருச்சியில் புகழ்பெற்ற ஜமால் முகமது கல்லூரி ஆகியவற்றை உருவாக்கியவர்கள்.
அரசியல் பயணம்: இளைஞர் காங்கிரஸின் தூண்
தன்னுடைய இளம் வயதிலேயே மக்கள் சேவையில் ஆர்வம் கொண்ட யூனுஸ், காங்கிரஸ் பேரியக்கத்தின் இளைஞர் பிரிவில் பல்வேறு முக்கியப் பொறுப்புகளை வகித்துள்ளார்:
2018 – 2022: தமிழ்நாடு மாநில இளைஞர் காங்கிரஸ் பொதுச் செயலாளர்.
2022 – 2025: தமிழ்நாடு மாநில இளைஞர் காங்கிரஸ் செயலாளர்.
கடந்த ஏழு ஆண்டுகளுக்கும் மேலாக மாநில அளவில் இளைஞர்களை ஒருங்கிணைத்து, கட்சிப் பணிகளைத் தொய்வில்லாமல் முன்னெடுத்த அனுபவம் இவருக்கு மயிலாடுதுறையில் பலமாக அமையும்.
தனிப்பட்ட விவரங்கள் மற்றும் கல்வி
பெயர்: Y.N. ஜமால் முகமது யூனுஸ்.
பிறந்த தேதி: 22 ஏப்ரல் 1987.
கல்வி: கணினி அறிவியல் மற்றும் பொறியியல் துறையில் பட்டயம் (DCSE) பெற்றுள்ளார்.
தொழில்: JMY ரியல் எஸ்டேட் மற்றும் டெவலப்பர்ஸ் நிறுவனத்தின் உரிமையாளர்.
மொழிகள்: தமிழ், ஆங்கிலம் மற்றும் மலையாளம் ஆகிய மொழிகளில் புலமை மிக்கவர்.